Getum við aðstoðað?

Hlaðvarp Almenna

Aftur á yfirlit

Hlaðvarp #3, Algengar spurningar

Hvaða spurningar berast oftast til Almenna lífeyrissjóðssins þessa dagana, hafa þær breyst á síðustu áratugum og myndu aðrar spurningar nýtast sjóðfélögum betur? Brynja Margrét Kjærnested og Þórhildur Stefánsdóttir, reyndustu ráðgjafar sjóðsins, leitast við að svara þessum spurningum og miðla af áratuga langri reynslu sinni og þekkingu.



Molar úr þættinum

Áhersla á eignamyndun – moli úr hlaðvarpi Almenna

Mun meiri áhersla er á eignamyndun en að lækka greiðslubyrði hjá lántakendum þessi misserin. Þetta kemur fram í Hlaðvarpi Almenna um algengar spurningar.

Sjóðfélagavefurinn, grafísk heildarmynd – moli úr hlaðvarpi Almenna

Á sjóðfélagavef Almenna er hægt að sjá hvaða eftirlaunum má eiga von á, bæði frá Almenna og frá öðrum lífeyrissjóðum. Þetta er meðal þess sem kemur fram í Hlaðvarpi Almenna – Algengar spurningar.

Í hvað stefna eftirlaunin hjá mér? – moli úr hlaðvarpi Almenna

Það er allt of algengt að fólk viti ekki hver staða lífeyrismála þeirra er. Allt of margir kanna þá stöðu ekki fyrr en líður að starfslokum eða jafnvel eftir starfslok. Þetta er meðal þess sem fjallað er um í Hlaðvarpi Almenna.

Erfanleiki séreignarsjóðs – moli úr hlaðvarpi Almenna

Eitt af því sem ekki er spurt mikið um er hvort og hvernig séreignarsjóður erfist. Þessum spurningum er leitast við að svara í Hlaðvarpi Almenna um Algengar spurningar.

Vantryggðu árin, spurningin sem enginn spyr – moli úr hlaðvarpi Almenna

Það tekur þrjú ár að vinna sér inn tryggingavernd sem er innifalin í lífeyrissjóðakerfinu vegna starfsorkumissis. Sjóðfélagar eiga rétt á framreikningi sem þýðir að þeir fá greiddan örorkulífeyri eins og þeir hefðu unnið til 65 ára aldurs. Þetta er meðal þess sem kemur fram í Hlaðvarpi Almenna og er eitt af þeim atriðum sem of sjaldan er spurt  um.

Fyrsta fasteign – moli úr hlaðvarpi Almenna

Það er hægt að nýta viðbótarlífeyrissparnað til að greiða skattfrjálst upp í útborgun eða inn á höfuðstól fyrstu fasteignar. Heimilt er að gera þetta í tíu ár og getur upphæðin verið allt að fimm milljónir fyrir einstakling eða tíu milljónir fyrir par. Þetta kemur fram í Hlaðvarpi Almenna – Algengar spurningar.

Lífeyrisgreiðslur og greiðslur frá Tryggingastofnun – moli úr hlaðvarpi Almenna

Það er ákvörðun yfirvalda hverju sinni hvort og hvað mikið lífeyrisgreiðslur skerða greiðslur frá tryggingastofnun. Algengt er að sjóðnum berist fyrirspurnir um þetta. Þetta kemur fram í Hlaðvarpi Almenna – Algengar spurningar.

Skattþrep – moli úr hlaðvarpi Almenna

Þar talsvert snúið að passa upp á að greitt sé í rétt skattþrep þegar skattþrepin eru þrjú og greiðslur eru e.t.v. að berast frá mörgum stöðum. Sjóðnum berast margar spurningar sem tengjast skattamálum. Um þetta fjallar Þórhildur Stefánsdóttir ráðgjafi hjá Almenna og sérleg áhugamanneskja um skattamál í Hlaðvarpi Almenna um Algengar spurningar.

Í hvaða ávöxtunarleið á ég að vera? – moli úr hlaðvarpi Almenna

Mörg símtöl og tölvupóstar ráðgjafa snúast um ávöxtunarleiðir og hvað henti hverjum og einum. Þetta kom fram í máli Brynju Margrétar Kjærnested og Þórhildar Stefánsdóttur þegar rætt var við þær í Hlaðvarpi Almenna – Algengar spurningar.

Aukagreiðslur inn á lán fyrr og nú – moli úr hlaðvarpi Almenna

„Fólk greiddi ekki inn á höfuðstól lána fyrir tuttugu árum“ segir Brynja Margrét Kjærnested einn reyndasti ráðgjafi Almenna  lífeyrissjóðsins en hún er þátttakandi í Hlaðvarpi Almenna – Algengar spurningar.

Hvernig lán á ég að taka? – moli úr hlaðvarpi Almenna

Hvernig lán á ég að taka? Hvaða vexti býður Almenni? Þessar spurningar eru meðal þeirra spurninga sem algengt er að berist sjóðnum og fjallað er um í Hlaðvarpi Almenna um Algengar spurningar.

Er séreignin mín laus? – moli úr hlaðvarpi

Mjög algengt er þessa dagana að ráðgjafar Almenna séu spurðir hvort hægt sé að greiða séreign út. Í Hlaðvarpi Almenna um Algengar spurningar kemur þetta fram auk spurninga sem ætti e.t.v. frekar að spyrja að mati reyndustu ráðgjafa sjóðsins, þeim Brynju Margrétar Kjærnested og Þórhildar Stefánsdóttur.
<< Fyrra hlaðvarp
Næsta hlaðvarp >>